1.頭聲(蕃薯有夠俗／藥品見證CALL IN篇)
各位聽眾朋友大家好，您今日所聽兮是蕃薯之聲廣播電台，
由恆春兮為您所主持兮蕃薯有夠俗。
本節目是東榮牌骨頭酸疼丸、
東榮牌目珠霧霧丸、東榮牌爛粒也丸三大名藥，
由東榮製藥廠本部獨家所提供，感謝收聽。
咱現在是藥品見證兮時間，咱所有聽眾朋友若是有食咱東榮牌骨頭酸疼丸、
東榮牌爛粒也丸、東榮牌目珠霧霧丸，三種藥品，
麻煩上線來空中為恆春兮作藥品兮見證。
咱CALL IN免付費兮電話是0800炕蕃薯炕蕃薯、0800炕蕃薯炕蕃薯。
「咱現在先來接第一通兮CALL IN。
「蕃薯有夠俗，我是恆春兮你好」！」
「你好，我是住置聖公媽兮阿木，我是欲來感謝你，你介紹兮藥也確實有夠讚！」
「這樣喔，請問你是吃哪一味哦？」
「不是我吃啦，是阮老爸啦！伊平常時就有腰酸背疼，腳骨未彎曲兮症頭，
我聽你兮介紹，連續買三罐給伊吃，三罐吃完後人就好勢囉！」
「您講好勢？」
「是啊，本正腳骨未彎曲，食落隨翹去了！」
「翹去？」
「就是翹去，我不才會得到阮老爸兮遺產，你兮藥也對我幫助真大，謝謝，謝謝！」
各位聽眾朋友這是來亂兮，咱兮藥也未因而，甭睬伊！咱來接第二通兮CALL IN。
「蕃薯有夠傖我是恆春兮你好。
」
「我是秀春，我住置得紅毛港，恆春兮我是欲來做藥品兮見證。
」
「秀春你好，請問你是用咱什麼產品？」
「哎唷，是阮大家啦！你也知也較早早前咱兮生活攏真艱苦，食也食不好，
甭講營養，那若是有食飽就偷笑。
今也阮大家食老目珠攏有這個烏影烏影，
迭迭流目油，目屎膏也更擦未離，所以做新婦兮人看到真毋甘，
所以去電台指定藥房，摜一罐咱東榮牌目珠霧霧丸，
想未到阮大家目珠平常時攏未金光，食落隨扛去了！」
「啊！人扛去？」
「是啊！就是去蘇州賣鴨蛋，這個藥也食落會扛去。
」
哎，這種情形咱大家聽眾攏知也，是無聊人士，亦是別台兮人目孔赤敲電話欲來亂兮。
恆春兮有風度兮人，不合這種人計較。
咱現在繼續更來接電話，
現場CALL IN免付費熱線，0800炕蕃薯炕蕃薯0800炕蕃薯炕蕃薯。
「蕃薯有夠傖我是恆春兮你好。
」
「恆春兮賣這個東榮牌爛粒也丸，你若是有生爛粒也兮，
用咱東榮牌爛粒也丸，粒也消去人遂無去.....」
您這些膨肚短命，污濁肚，夭壽也，雷公也點心，
我做一個節目敲電話來亂，我奉雷公兮名，您會去予雷公敲死啊！
| 
